ប្រជាជនកម្ពុជាដែលចូលមកព្យាបាលជំងឺនៅប្រទេសថៃភាគច្រើន ដោយអត់មានត្រូវការវីសាទេ ដែលអាចស្នាក់នៅបានដល់ទៅ ១៤ ថ្ងៃ។ យ៉ាងណាមិញប្រសិនបើការព្យាបាលត្រូវការស្នាក់នៅយូរជាងនេះ យើងក៏អាចស្នើរសុំស្នាក់នៅបន្ត (បន្តវីសា) បានលើសពីនេះតាមស្ថានភាពជាក់ស្តែង។ របៀបបន្តវីសាយ៉ាងណានោះនឹងបកស្រាយនៅខាងក្រោម តាមលំដាប់លំដោយ។

ការពិតមួយចំនួនដែលទាក់ទងការបន្តវីសា

១. ការបន្តវីសាអាចស្នើសុំបានមុនថ្ងៃផុតកំណត់ ២ សប្តាហ៍

២. ការស្នើសុំបន្តអាចបានសម្រាប់អ្នកជំងឺម្នាក់ និងអ្នកមើលថែអ្នកជំងឺ ១ នាក់ រឺមិនលើសពី​ ៣ នាក់ សម្រាប់ កូន ប្តី​រឺប្រពន្ធប៉ុណ្ណោះ

៣. សម្រាប់អ្នកមើលថែអ្នកជំងឺ ១ នាក់​​ មិនចាំបាច់ឯកសារបញ្ជាក់ពីស្ថានទូតឡើយ

៤. សម្រាប់អ្នកមើលថែអ្នកជំងឺលើសពី ១ នាក់ ចាំបាច់ត្រូវការឯកសារបញ្ជាក់ពីស្ថានទូត

៥. អ្នកជំងឺដែលមិនអាចដើរបាន រឺពិបាកក្នុងការធ្វើដំណើរ អាចឲ្យអ្នកមើលថែទៅបន្តឲ្យបាន

ឯកសារត្រូវការ

ករណីអ្នកជំងឺអាចទៅបន្តវីសាខ្លួនឯងបាន

១. ឯកសារបញ្ជាក់ពីវេជ្ជបណ្ឌិត (Medical Certificate) ដោយក្នុងលិខិតត្រូវមានពត៌មានសំខាន់ៗដូចជា

- ជំងឺដែលកំពុងព្យាបាល (Diagnose)

- ស្ថានភាពអ្នកជំងឺ (Patient Status)

- លេខប៉ាស្ព័រអ្នកជំងឺ (Patient Passport Number)

- លេខប៉ាស្ព័រអ្នកមើលថែអ្នកជំងឺ ហើយនិង ទំនាក់ទំនងជាមួយអ្នកជំងឺ (Caretaker Passport Number and Relationship)

- រយៈពេលដែលត្រូវស្នើសុំបន្ត សម្រាប់ការព្យាបាល

២. លិខិតស្នើសុំ រឺ Application For Extension of Temporary Stay in the Kingdom (TM-7) មានបិតរូបថត 4x6 (1 សនឹ្លក)

ចុចខាងក្រោមនេះដើម្បីទាញយកឯកសារនេះ

៣. ហ្វូតូកូពីប៉ាស្ព័រ ម្នាក់ ១ ច្បាប់ រួមមាន ទំព័រពត៌មានទូទៅ ទំព័រស្តែមវាយចូលប្រទេស និង សន្លឹក TM-6 ។

បណ្ណ TM-6

ករណីអ្នកជំងឺមិនអាចទៅបន្តវីសាខ្លួនឯងបាន

ក្នុងករណីនេះឯកសារដែលត្រូវការបន្ថែមមានដូចខាងក្រោម

៤. លិខិតប្រគល់សិទ្ធិ (Power of Attorney)

លិខិតប្រគល់សិទ្ធិនេះត្រូវការសាក្សី ២ នាក់ ដែលអាចស្នើសុំ គិលានុបដ្ឋាកយិកា (Nurse) ជួយចុះហត្ថលេខាឲ្យបាន

៥. រូបថតអ្នកជំងឺជាមួយនឹងកាសែតដែលបោះពុម្ពក្នុងថ្ងៃ ចុងក្រោយបំផុត មុនទៅបន្តវីសា

រូបភាពអ្នកជំងឺ និងអ្នកមើលថែអ្នកជំងឺ ជាមួយនឹងកាសែតបោះពុម្ព

(ហាមថតចេញផ្នែកណាមួយនៃរាងកាយរបស់អ្នកជំងឺ លើកលែងតែមុខ)

រូបភាពអ្នកជំងឺ ជាមួយនឹងកាសែតបោះពុម្ព ដោយថតឲ្យឃើញថ្ងៃទីបោះពុម្ព

កាសែតបោះពុម្ព ដោយថតឲ្យឃើញថ្ងៃទីបោះពុម្ព

៦. ឯកសារបញ្ជាក់ពីស្ថានទូត ក្នុងករណីអ្នកមើលថែអ្នកជំងឺលើសពី ១​ នាក់

៧. គ្រប់ឯកសារទាំងអស់គួរតែកូពី សាគួរ ហើយចុះហត្ថលេខាលើសំណៅទាំងនោះឲ្យរួចរាល់ទុកជាមុន ជៀសវាងការខ្វះឯកសារនាំឲ្យខកជើង។

ទីតាំងរបស់ស្ថានទូតកម្ពុជានៅទីក្រុងបាងកក មានអាសយដ្ឋាន៖ 518, 4 Pracha Uthit Rd, Wang Thonglang, Bangkok 10310

ទីតាំងលើ Google Map: ស្ថានទូតកម្ពុជាទីក្រុងបាងកក

ក្រោយពីរៀបចំឯកសាររួចរាល់ យើងត្រូវទៅបន្តនៅ Meaung Thong Thani Thai Immigration Office

ម៉ោងធ្វើការ ចន្ទ-សុក្រ ចាប់ពីម៉ោង 8:30 AM - 3:30 PM

ទីតាំងលើ Google Map: Meaung Thong Thani Thai Immigration Office

ពត៌មានបន្ថែមពីចុចទីនេះ Meaung Thong Thani Thai Immigration Office